Mazungumzo: Mgeni anayetaka kwenda Samburu

 Mazungumzo 1: Mgeni na Dereva wa Gari la Kukodisha

MGENI: Habari yako?

DEREVA: Nzuri sana! Habari yako?

MGENI: Salama. Jina langu ni _____________. Ninataka kuenda Samburu, unaweza kunisaidia na usafiri?

DEREVA: Ndiyo, ninaweza kusaidia. Ungependa kwenda lini?

MGENI: Ningependa kuenda kesho asubuhi. Naweza kujua gharama ya safari nzima na muda wa safari?

DEREVA: Safari itachukua takriban masaa saba, na gharama ni shilingi elfu saba kwa siku, pamoja na mafuta.

MGENI: Sawa. Je, gari lina nafasi ya kutosha kwa mizigo?

DEREVA: Ndiyo, lina nafasi ya mizigo na abiria wanne. Unasafiri na watu wengine?

MGENI: Hapana, ninasafiri peke yangu, lakini nina mizigo kadhaa.

DEREVA: Hakuna shida, kuna nafasi ya kutosha.

MGENI: Je, nitapata chakula njiani?

DEREVA: Ndiyo, kuna mikahawa na hoteli njiani ambapo unaweza kupata chakula. Njia ya Samburu ina maeneo mengi ya kupumzika na kupata vyakula vya aina tofauti.

MGENI: Vizuri! Je, kuna maeneo salama ya kulala huko Samburu?

DEREVA: Ndiyo, unaweza kupumzika huko Samburu. Kuna kambi nzuri na hoteli kwa watalii, na ni salama kabisa.

MGENI: Na bei ya hoteli huko ni pesa ngapi kwa usiku mmoja?

DEREVA: Inategemea, lakini bei ni kati ya shilingi elfu tano hadi kumi kwa usiku mmoja.

MGENI: Asante sana kwa habari ambayo umenipa.

DEREVA: Karibu.

MGENI: Asante sana, tutazungumza baadaye. kwaheri!

DEREVA: Haya, baadaye basi.

---

Mazungumzo 2: Mazungumzo na mwenyeji wa Samburu

MGENI: Habari yako? Mimi ni  [jina]. Ninatafuta mahali ambapo ninaweza kupata chakula na malazi  kwa siku chache.

MHUDUMU: Habari, [jina]. Karibu Samburu! Kuna hoteli kadhaa na kambi karibu na mbuga. Ungependa kulala kambini au hotelini?

MGENI: Ningependa malazi ya bei ya wastani, lakini yenye usalama na huduma nzuri.

MHUDUMU: Unaweza kujaribu hoteli kama Samburu Sopa Lodge au Samburu Riverside Camp. Bei ni kati ya shilingi elfu tano hadi elfu kumi kwa usiku mmoja.

MGENI: Vizuri, hizo hoteli zina huduma gani nyingine, kama maji ya moto au intaneti?

MHUDUMU: Ndiyo, hoteli hizi zina maji ya moto, umeme, na intaneti. Pia kuna huduma za ziada kama bafu za nje na sehemu za kupumzika.

MGENI: Na chakula kinapatikana kwenye hoteli hizi au ninaweza kupata wapi karibu?

MHUDUMU: Ndiyo, hoteli hizi zina chakula cha aina tofauti, na unaweza kuchagua kutoka menyu. Pia kuna mikahawa midogo karibu kama unataka kujaribu vyakula vya wenyeji.

MGENI: Hilo ni jambo zuri! Ninapenda kujaribu vyakula vya wenyeji. Je, kuna mambo mengine ya kufanya hapa, kama kutembea au kuogelea?

MHUDUMU: Ndiyo, unaweza kufanya matembezi ya kuongozwa mbugani na pia kuna maeneo ya kuogelea kwenye baadhi ya hoteli. Wengi hupenda safari za asubuhi na jioni kwa sababu ni wakati mzuri wa kuona wanyama.

MGENI: Asante sana kwa msaada wako.

MHUDUMU: Karibu sana na safari njema! Kwaheri!

MGENI: Kwaheri, asante!